पाटापांगरा येथे ‘कामधेनू गौरक्षण ट्रस्ट’चे भूमिपूजन संपन्न; मोकाट जनावरांना मिळणार हक्काचा आसरा

पाटापांगरा (यवतमाळ): श्री सुरज पवार 

गावखेड्यात देवाला सोडलेले वळू आणि गायींना निवारा नसल्यामुळे त्यांची अन्न आणि पाण्यासाठी होणारी मोठी परवड लक्षात घेता, घाटंजी तालुक्यातील पाटापांगरा येथे ‘कामधेनू गौरक्षण ट्रस्ट’ या भव्य गौशाळेची स्थापना करण्यात आली आहे. दि. ०२ एप्रिल २०२६ रोजी या महत्त्वपूर्ण प्रकल्पाचा भूमिपूजन समारंभ मोठ्या उत्साहात पार पडला.

​मान्यवरांच्या उपस्थितीत सोहळा

​या गौशाळेचे उद्घाटन विश्व हिंदू परिषदेचे महाराष्ट्र व गोवा क्षेत्रीय अधिकारी तथा अखिल भारतीय अध्यक्ष मा. श्री. राजेश्वर निवल साहेब यांच्या शुभहस्ते करण्यात आले. कार्यक्रमाच्या अध्यक्षस्थानी कामधेनू गौरक्षण ट्रस्टचे अध्यक्ष CA. निरंजन राठोड सर होते, ज्यांच्या संकल्पनेतून आणि कार्यकौशल्यातून हा प्रकल्प साकारत आहे.

​याप्रसंगी प्रमुख पाहुणे म्हणून:

• ​डॉ. महेश चव्हाण सर (प्रसिद्ध अस्थिरोग तज्ज्ञ)
• ​डॉ. गोपाल चव्हाण सर
• ​हेमंत चौधरी (ठाणेदार, पारवा)
• ​रोहित राठोड (माजी जिल्हाध्यक्ष, भाजप यवतमाळ)
• ​आकाश राठोड (जिल्हाध्यक्ष, शिवसेना यवतमाळ)

यांची उपस्थिती होती.

​१३ एकर जागेत आधुनिक गोरक्षण

​पाटापांगरा येथील १३ एकर निसर्गरम्य शेतजमिनीत हे गोरक्षण उभारले जात आहे. सध्या या परिसरात ६५ गायी मुक्त संचार करत असून, त्यांच्यासाठी चारा आणि पाण्याची उत्तम व्यवस्था करण्यात आली आहे. या प्रकल्पामुळे परिसरातील मोकाट आणि निराश्रित जनावरांच्या निवाऱ्याचा प्रश्न कायमस्वरूपी सुटणार आहे.

​शेतकऱ्यांनी व्यक्त केले समाधान

​मुक्या प्राण्यांच्या अन्न, पाणी आणि निवाऱ्यासाठी इतक्या मोठ्या प्रमाणावर सोय होत असल्याने पाटापांगरा आणि परिसरातील शेतकऱ्यांनी आनंद व्यक्त केला आहे. “या प्रकल्पामुळे निसर्गरम्य वातावरणात गायींना सुरक्षित आश्रय मिळेल,” असा विश्वास अध्यक्ष CA. निरंजन राठोड यांनी यावेळी व्यक्त केला.

​गोरक्षणाच्या या कार्याचे सर्व स्तरातून कौतुक होत असून, यवतमाळ जिल्ह्यातील हा एक आदर्श प्रकल्प ठरणार आहे.