🚉 दादर–भुसावळ विशेष एक्सप्रेसला 2026 पर्यंत मुदतवाढ; कायमस्वरूपी करण्याचा प्रस्ताव प्रलंबित.

धरणगाव| प्रतिनिधी
प्रवाशांच्या वाढत्या मागणीचा विचार करून पश्चिम रेल्वेने दादर–भुसावळ दरम्यान धावणाऱ्या विशेष गाड्यांच्या फेऱ्यांना 27 व 28 फेब्रुवारी 2026 पर्यंत मुदतवाढ दिली आहे. यामध्ये 09049/09050 (साप्ताहिक) आणि 09051/09052 (त्रि-साप्ताहिक) या दोन जोड्या समाविष्ट आहेत.
पश्चिम रेल्वेचे जनरल मॅनेजर (GM) यांनी 09051/09052 दादर–भुसावळ त्रि-साप्ताहिक विशेष गाडी कायमस्वरूपी करण्याचा प्रस्ताव रेल्वे बोर्ड, दिल्लीकडे पाठवला असून तो सध्या प्रलंबित आहे, अशी माहिती ZRUCC सदस्य व खान्देश प्रवासी असोसिएशनचे प्रतिनिधी प्रतीक जैन यांनी दिली.

मुदतवाढीचा तपशील

▪️गाडी क्र. 09049/09050 (साप्ताहिक) दादर–भुसावळ विशेषदा

▪️दर–भुसावळ (09049) व भुसावळ–दादर (09050) या दोन्ही गाड्या 27 फेब्रुवारी 2026 पर्यंत वाढविण्यात आल्या आहेत.

▪️गाडी क्र. 09051/09052 (त्रि-साप्ताहिक) दादर–भुसावळ विशेष

▪️दादर–भुसावळ (09051) व भुसावळ–दादर (09052) या गाड्या 28 फेब्रुवारी 2026 पर्यंत वाढविण्यात आल्या आहेत.

▪️वाढीव फेऱ्यांसाठी बुकिंग 28 डिसेंबर 2025 पासून सर्व पीआरएस काउंटर तसेच आयआरसीटीसीच्या संकेतस्थळावर सुरू होईल.

कायमस्वरूपी झाल्यास 25–30 टक्के बचत खान्देश प्रवासी असोसिएशनच्या वतीने खासदार मा. स्मिताताई वाघ तसेच केंद्रीय रेल्वेमंत्री मा. अश्विनी वैष्णव यांना निवेदन देण्यात आले आहे. ही गाडी कायमस्वरूपी झाल्यास प्रवाशांचा प्रवास खर्च सुमारे 25 ते 30 टक्क्यांनी कमी होईल, असा दावा असोसिएशनने केला आहे.

प्रवाशांना आवाहन खान्देश प्रवासी असोसिएशनचे अध्यक्ष कमलेश तिवारी, उपाध्यक्ष चंद्रकांत भावसार, सचिव श्रेयांस जैन, सहसचिव ॲड. नंदन पाटील तसेच मार्गदर्शक सदस्य दिनेश पाटील, युवराज रायपूरकर, प्रशांत भाटिया, नारायण महाजन, संभाजी सोनवणे, जतिन नगारीया आणि ZRUCC सदस्य प्रतीक जैन यांनी जास्तीत जास्त प्रवाशांनी या सुविधेचा लाभ घ्यावा, असे आवाहन केले आहे.