📰 धानोरे (ता. धरणगाव) येथे श्रीमद् भागवत कथा ज्ञानयज्ञ सप्ताह संपन्न.

प्रतिनिधी लक्ष्मण बाविस्कर( महाजन )

धानोरे (ता. धरणगाव, जि. जळगाव) येथे पितृपक्ष निमित्त आयोजित संगीतमय श्रीमद् भागवत कथा ज्ञानयज्ञ सप्ताह भक्तिभावात पार पडला. सुप्रसिद्ध कीर्तनकार ह.भ.प. भावेश महाराज सूर्यवंशी (विटनेरकर) यांनी भागवत कथा रसाळ शैलीत सादर करत भाविकांना अध्यात्मिक ऊर्जा दिली.

या धार्मिक सोहळ्यास सौ. गायत्री भगवान पाटील (सरपंच), माजी सरपंच भगवान आसाराम पाटील, अनोरेचे माजी सरपंच रमेश खंडू महाजन, गुलाबराव वाघ साहेब ह.भ. प महामंडलेश्वर 108 भगवान दासजी महाराज  आदी मान्यवरांची उपस्थिती लाभली.

कार्यक्रमाचे आयोजन समस्त महिला मंडळ व ग्रामस्थ मंडळी धानोरे यांच्या पुढाकाराने करण्यात आले होते. भाविकांनी मोठ्या संख्येने उपस्थित राहून सप्ताहाला उत्स्फूर्त प्रतिसाद दिला.