🛑 धर्मपीठ पोहरागड येथे युवा खेळाडूंचा सत्कार; राष्ट्रीय स्पर्धेत सुवर्णपदक विजेते ठरले

पोहरागड, प्रतिनिधी : श्री सुरज पवार

दिनांक 10 जून रोजी धर्मपीठ पोहरागड येथे संभाजीनगर जिल्ह्यातील चार होतकरू युवा खेळाडूंनी राष्ट्रीय Ice Stock Sport Championship स्पर्धेत सुवर्णपदक मिळवत जिल्ह्याचे व समाजाचे नाव उज्ज्वल केले. या खेळाडूंमध्ये स्वराज जाधव, आदित्य राठोड, रोहित राठोड व बिभीषण चव्हाण यांचा समावेश आहे.

या उल्लेखनीय कामगिरीमुळे या सर्व खेळाडूंची आंतरराष्ट्रीय स्पर्धेसाठी निवड झाली असून, ही बाब जिल्ह्यासाठी अभिमानास्पद मानली जात आहे.

या यशाबद्दल धर्मपीठ पोहरागड येथे त्यांचा प्रशस्तीपत्र देऊन सत्कार व गौरव करण्यात आला. यावेळी धर्मपीठाच्या वतीने खेळाडूंना अर्थसहाय्य देऊन पुढील वाटचालीसाठी शुभेच्छा देण्यात आल्या.

उपस्थित मान्यवरांनी खेळाडूंच्या जिद्दीचे व परिश्रमांचे कौतुक करत भविष्यातही अशाच यशाची अपेक्षा व्यक्त केली.