🚆 उधना–खुर्दा रोड व दानापूर एक्सप्रेस 31 डिसेंबरपर्यंत धरणगाव मार्गे धावणार

प्रतिनिधी- रवींद्र निकम

धरणगाव, 26 ऑगस्ट – खान्देश प्रवाशांसाठी दिलासादायक बातमी! गाडी क्रमांक 09059/60 उधना–खुर्दा रोड एक्सप्रेस व 09025/26 दानापूर एक्सप्रेस या गाड्या 31 डिसेंबर 2025 पर्यंत धरणगाव मार्गे सुरू राहणार आहेत.

👉 09059 दानापूर एक्सप्रेस – दर शनिवारी सकाळी 8.51 वा. धरणगावहून नंदुरबार–सुरत मार्गे.

👉 09060 उधना–खुर्दा रोड एक्सप्रेस – दर बुधवारी दुपारी 4.30 वा. धरणगावहून जळगाव–भुसावळ–नागपूर–खुर्दा रोड मार्गे.

या निर्णयाबद्दल खान्देश प्रवासी असोसिएशनने खासदार स्मिता वाघ यांचे आभार मानले आहेत. दरम्यान, रेल्वेमंत्री अश्विनी वैष्णव यांनी 19045/46 ताप्ती गंगा एक्सप्रेसला धरणगाव थांबा देण्याबाबत सकारात्मक प्रतिसाद दिल्याची माहिती खासदार वाघ यांनी दिली.

असोसिएशनचे अध्यक्ष कमलेश तिवारी, उपाध्यक्ष चंद्रकांत भावसार, सचिव श्रेयांस जैन, सहसचिव ऍड. नंदन पाटील, खजिनदार प्रतीक जैन व मार्गदर्शक सदस्य यांनी प्रवाशांनी या गाड्यांचा जास्तीत जास्त लाभ घ्यावा असे आवाहन केले आहे.