‘वैराट’ चित्रपटाचा भव्य पटकथा मुहूर्त संपन्न; स्वराज्य फिल्म प्रोडक्शन संघटनेचे महाराष्ट्र राज्य अध्यक्ष गिरीश राजुरकर यांची निर्मिती व दिग्दर्शन
यवतमाळ /प्रतिनिधी: सुरज पवार
मराठी चित्रपट सृष्टीमध्ये सध्या नवनवीन विषयांवर आधारित चित्रपटांची निर्मिती होत असताना, ‘वैराट’ या आगामी चित्रपटाची चर्चा आता जोर धरू लागली आहे. स्वराज्य फिल्म प्रोडक्शन संघटना, महाराष्ट्र राज्य चे अध्यक्ष माननीय गिरीश राजुरकर यांच्या निर्मिती आणि दिग्दर्शनाखाली साकार होणाऱ्या ‘वैराट’ चित्रपटाचा पटकथा मुहूर्त (Script Muhurt) दि. १४ मार्च २०२६ रोजी मोठ्या उत्साहात संपन्न झाला.
या चित्रपटाचे सह-अभिनेते सूरज सुधाकरराव पवार यांनी या मुहूर्ताविषयी सविस्तर माहिती दिली आहे. चित्रपटाच्या कथानकाची अधिकृत सुरुवात करण्यासाठी आयोजित करण्यात आलेल्या या पूजन प्रसंगी स्वतः निर्माते आणि दिग्दर्शक गिरीश राजुरकर यांनी विधिवत पूजन केले.
स्वराज्य फिल्म प्रोडक्शनचा नवा उपक्रम
गिरीश राजुरकर हे गेल्या अनेक वर्षांपासून चित्रपट क्षेत्रात सक्रिय असून, स्वराज्य फिल्म प्रोडक्शन संघटनेच्या माध्यमातून त्यांनी अनेक कलाकारांना व्यासपीठ उपलब्ध करून दिले आहे. आता ‘वैराट’ या सिनेमाच्या माध्यमातून ते प्रेक्षकांसाठी एक वेगळा विषय घेऊन येत आहेत. या चित्रपटाची कथा आणि मांडणी प्रेक्षकांना नक्कीच भावेल, असा विश्वास यावेळी व्यक्त करण्यात आला.
या मुहूर्तावेळी चित्रपट क्षेत्रातील मान्यवर आणि ‘वैराट’ चित्रपटाची संपूर्ण टीम उपस्थित होती. स्क्रिप्ट मुहूर्त पार पडल्याने आता लवकरच या चित्रपटाच्या चित्रीकरणाला सुरुवात होणार असल्याचे समजते. सूरज पवार यांनी दिलेल्या माहितीनुसार, या चित्रपटात अनेक दिग्गज आणि नवीन कलाकार पाहायला मिळणार आहेत.
