📰 GPS मित्र परिवाराचा “जीवन के साथ भी, जीवन के बाद भी” उपक्रमाचा शुभारंभ

पाळधी येथे जीपीएस मित्र परिवारातर्फे “दुःखातही साथ” या सामाजिक उपक्रमाचा शुभारंभ मोठ्या उत्साहात पार पडला. या उपक्रमांतर्गत गावातील कोणत्याही कुटुंबावर दुःखाची वेळ आल्यास त्या परिवारासाठी मंडप, चटया, पाण्याचे जार, खुर्च्या, चहा थर्मास, भोजन पट्टी आदी आवश्यक साहित्य मोफत उपलब्ध करून देण्यात येणार आहे.

कार्यक्रमाच्या लोकार्पणप्रसंगी पत्रकार गोपाल सोनवणे यांनी जीपीएस मित्र परिवाराने राबविलेल्या नेत्र तपासणी शिबिर, ग्राम स्वच्छता, वृक्षारोपण, रक्तदान शिबिर यांसारख्या उपक्रमांचे कौतुक करताना सांगितले की,

“जीपीएस मित्र परिवाराचे कार्य ‘जीवन के साथ भी, जीवन के बाद भी’ या घोषवाक्याला साजेसे आहे. समाजहितासाठी त्यांचे योगदान खरोखरच प्रेरणादायी आहे.”

कार्यक्रमात ह. भ. प. ज्ञानेश्वर महाराज यांनीही आपली भावना व्यक्त केली. कार्यक्रमाचे प्रस्ताविक जि. प. सदस्य प्रतापराव पाटील यांनी केले. या वेळी व्यासपीठावरील मान्यवरांच्या हस्ते साहित्याचे वितरण करण्यात आले. उपक्रमासाठी साहित्य उपलब्ध करून देणारे अमोल कासट, चंदू पाटील, दीपक श्रीखंडे, दिनेश कडोसे आदींचा सत्कार करण्यात आला. तसेच, या उपक्रमासाठी संपर्क व्यक्ती म्हणून मुकेश भोई यांची माहिती देण्यात आली.

श्रीराम ज्येष्ठ नागरिक मंडळाचे अध्यक्ष शरद कासट यांनी गावकऱ्यांसाठी अंत्यविधी प्रसंगी मोफत गाईच्या गोवऱ्या उपलब्ध करून देण्यासाठी स्वतंत्र शेड उभारण्याची घोषणा केली.

कार्यक्रमास कृ.उ.बा. माजी सभापती संजय पाटील, विक्रम पाटील, सरपंच विजय पाटील, शरद कोळी, अजिज मण्यार, महेश झंवर, संजु देशमुख, दीपक झंवर, गोकुळ फुलपगार, डॉ. कृष्णा बिचवे, पुंडलिक देवरे, पंढरीनाथ ठाकूर आदी मान्यवर उपस्थित होते.कार्यक्रमाचे सुत्रसंचालन भूषण महाजन यांनी केले