यवतमाळ: आर्ट्स, टुरिझम अँड कल्चर फेस्टिव्हल समिती, गोवा आणि श्री. नागेश महारुद्र फाऊंडेशन, गोवा यांच्या संयुक्त विद्यमाने आयोजित ‘राष्ट्रीय लोक गौरव सन्मान परिषद, गोवा २०२६’ मध्ये यवतमाळ येथील मा. सुरज सुधाकरराव पवार यांना ‘लोक गौरव पत्रकारिता पुरस्कार’ जाहीर झाला आहे.
समाजहितासाठी त्यांनी केलेल्या उल्लेखनीय, प्रेरणादायी आणि समर्पित कार्याची दखल घेऊन त्यांची या पुरस्कारासाठी निवड करण्यात आली आहे. सेवाभाव, समर्पण आणि समाजकल्याण या क्षेत्रातील त्यांच्या अमूल्य योगदानामुळे समाजात सकारात्मक परिवर्तन घडत आहे, असे गौरवउद्गार निवडपत्रात काढण्यात आले आहेत.
पुरस्कार सोहळ्याचे तपशील:
- दिनांक: रविवार, २२ मार्च २०२६
- वेळ: सकाळी ११:०० वाजता
- स्थळ: कला व संस्कृती भवन, सेंट्रल लायब्ररी, पाटो सेंटर, पणजी – गोवा.
या सोहळ्यात मान्यवरांच्या हस्ते सुरज पवार यांना सन्मानित करण्यात येणार आहे. त्यांच्या या यशाबद्दल यवतमाळ जिल्ह्यातून आणि पत्रकारिता क्षेत्रातून त्यांच्यावर अभिनंदनाचा वर्षाव होत आहे.
